Көмеш кыңгырау

Чаллының Үзәк китапханәсендә «Мавыктыргыч лабиринт» өстәл уеннары буенча турнир узды

Шәһәр Үзәк китапханәсе ел саен үткәрелә торган «Китапханә төне» Бөтенроссия акциясендә катнашты. Шәһәрдәшләр һәм шәһәребез кунаклары өчен бай эчтәлекле, кызыклы чаралар тәкъдим ителде.

Китапханәнең белешмә-мәгълүмат бүлеге хезмәткәрләре әлеге акция кысаларында балалар, яшьүсмерләр һәм өлкән яшьтәге кешеләр өчен ачык уен мәйданчыгы оештырдылар.

«Мавыктыргыч лабиринт» өстәл уеннары буенча турнирда катнашучыларга шәһәребезнең профессиональ дизайнеры Андрей Устюжанинның «Табышмак» исемле агачтан ясалган башваткычлар белән танышу мөмкинлеге бирелде. Әти-әниләр балалар белән бер рәттән узыша-узыша башваткычлар җыярга керештеләр.

Яшьләр арасында «Мафия», «Монополия», «Агрополия», «Эволюция» уеннары зур популярлык казанды. «Шахмат», «Шашка», «Домино» традицион өстәл уеннары төрле буын кешеләрен берләштерде. Яшь кунаклар «Диңгез сугышы», «Башня», «Уно» кебек кызыклы уеннар уйнадылар, пазллар җыйдылар, кроссвордлар чиштеләр.

Бу көнне җиңүчеләр һәм җиңелүчеләр булмады. Өстәл уеннарын яратучылар бик күп уңай эмоцияләр кичерделәр, яңа уеннар белән таныштылар, вакытны файдалы үткәрделәр.

Гөлүсә Фахруллина, Чаллы шәһәре Үзәк китапханәсе хезмәткәре

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: