Укучылар ял иткәндә, укытучылар мәктәптәге үзгәрешләр хакында сөйләшергә җыелды. “Глобальләшү процессы кешегә генә бәйле түгел ул. Дөнья күләмендә мәгариф яңарганда, без генә читтә кала алмыйбыз. Югыйсә артта калуыбызга үзебез гаепле булачакбыз”, – диде Алабугада халыкара педагогик форумның ачылу тантанасында катнашкан Дәүләт Киңәшчесе Минтимер Шәймиев.
