Гүзәлдән килгән хатны укыгач, без, дөресен әйткәндә, бераз гына аптырап та калдык. Дуслык һәм мәхәббәт турында мондый каршылыклы, кискен фикерләр ни сәбәпле туды икән соң яшүсмер кыз күңелендә? Бу хатны сез дә укып карагыз әле, малайлар-кызлар. Бәлки әлеге тема сезне дә уйландырыр? Фикерләрегезне «Көмеш кыңгырау» почтасына язып салсагыз да була, сайтыбызда да калдыра аласыз.
