– Сез башка уенчыларга тупны бирмисез, икәү генә уйныйсыз – бу дөрес түгел. Уенда барысы да катнашырга тиеш, –дип, Йомкай аларга күрсәтмәләр бирде. Шуннан соң Рәмис тупны аю малаена типте; Симәргә килеп җиткәч, ул тупны Рәмискә түгел, керпе малаена тәгәрәтте. Шәп уйнадылар. Бу уенда сакчылар тиз җиңелде, аларның бераз кәефе төште төшүен.Тик беркем дә үпкәләмәде, үртәшмәде. Яхшы уйнаганнары өчен, Рәмис белән Симәрне мактадылар.
