Ни өчен иртәнге ашны ашамыйча калдырырга ярамый?

Иртә белән көндәлек азыкның дүрттән бере күләмендә ризык ашау хәерле. Файдалы иртәнге аш түбәндәге продуктлардан тора: сөт ризыклары (аксым һәм кальций), ботка (озак үзләштерелүче углеводлар), җиләк-җимеш (витаминнар һәм клетчатка).

Яшәр өчен безнең организмга һәрдаим энергия һәм файдалы матдәләр кирәк. Боларның барсын да без азык аркылы алабыз. Ашкайнату системасында ризык кисәкләре ашказаны согы ярдәмендә эшкәртелә. Нәтиҗәдә продуктлар бик вак кисәкчекләргә - туклыклы матдәләргә таркалалар һәм ашказаныннан кан тамырларына таралалар. Ә кан аларны организмның кирәкле урыннарына илтеп җиткерә.

Азык аркылы организм түбәндәге матдәләрне ала:

углеводлар - алар безгә энергия бирә;

майлар - энергия запасы бирә һәм организм эшчәнлегендә катнаша;

аксымнар - төзү материалы;

витаминнар - сәламәт булырга ярдәм итә;

су - аннан башка бер организм да яши алмый.

Суны бер тәүлеккә күпме эчәргә?

Диетологлар ботканы иртәнге ашка иң яхшысы дип саный. Кайсы ярма нинди үзлеккә ия?

Хәтерне яхшыртучы 10 продукт