Мәктәптә – бәйрәм рухы!

Каникуллар башланса да, балалар мәктәптә. Бүген  менә Чаллының 52нче мәктәбенә  очрашуга чакырганнар иде. 2А сыйныфы укучылары белән аралашып кайттык.

«Көмеш кыңгырау» турында, газетада дөнья күргән шигырьләр, әкиятләр турында сөйләштек. Балалар шат, чөнки алда бит әле күпме кызыклар көтә: Яңа ел җитәсе, Кыш бабай белән Кар кызы киләсе, каникул буе рәхәтләнеп ял итәсе бар!

Каникулларыгыз күңелле узсын! Мәктәпкә бер-беребезне сагынышып, көч җыеп килик! Яңа ел сөенечләр алып килсен, кадерле дуслар!

Фотода 52нче мәктәпнең 2А сыйныфы укучылары белән китапханәче Илфания Нуретдинова һәм «Көмеш кыңгырау» газетасы баш мөхәррир вазыйфаларын башкаручы Ризидә Гасыймова.