“Бабама хат” акциясендә катнаша аласың

9 май көнне Казанда Татарстан дәүләтчелеге тарихы музеенда "Бабама хат" ("Письмо деду") акциясе үтәчәк. Акциядә катнашу өчен Җиңү көнне музейга килеп, фронтовикларга хат язарга - аларны Җиңү көне белән котларга, рәхмәт белдерергә, сораулар бирергә, Бөек Ватан сугышында катнашкан туганнарыгыз турында сөйләргә кирәк.

Иң үтемле һәм кызыклы хатлар "Казан Кремле" Музей-тыюлыгының һәм Татарстан дәүләтчелеге тарихы музееның социаль челтәрләрдәге рәсми битләрендә бастырылачак. Акциядә катнашучыларга бүләкләр каралган.

Хатларны 10.00 сәгатьтән 17.00 сәгатькә кадәр язып була, дип хәбәр итә "Казан Кремле" Музей-тыюлыгы матбугат хезмәте.