«Көмеш кыңгырау» республика газетасы «Иң матур сүз» фотобәйгесе игълан итә
Россиядә Әниләр көнен ноябрьнең соңгы якшәмбесендә билгеләп үтәләр. Быел ул 24 ноябрьгә туры килә.
Әниләрегезгә булган хисләрегезне «Көмеш кыңгырау» аша җиткерегез! Кадерле әниләргә багышлап, «Иң матур сүз» фотобәйгесе игълан итәбез. Бәйге 24нче октябрьдән 24 ноябрьгә кадәр 1-11 нче сыйныф укучылары арасында үтәчәк. Иң мөһиме: хисләрегезне кыска, әмма оста итеп җиткерә белергә кирәк.
Бәйге шартлары:
1) әниең белән селфи төшәргә;
2) әниең белән кыскача таныштырырга (өч җөмлә!)
3) әниең турында иң матур өч сүз язарга.
Исем-фамилиягезне, кайсы мәктәптә укуыгызны язып, фотоларыгызны 24нче ноябрьгә кадәр «бәйгегә» дип komesh_k@list.ru почтасына юллый аласыз. Алар "Көмеш кыңгырау"ның Вконтектедагы төркемендә урын алачак, шунда алар өчен тавыш бирергә мөмкин булачак.
Җиңүчене тавыш бирү ысулы белән билгеләрбез. Нәтиҗәләрне 30нчы ноябрьдән дә соңга калмыйча игълан итәчәкбез. 1,2,3 урын алучылар истәлекле бүләкләргә һәм дипломга лаек булачак.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев