«Җәйгә – лайк 2024» бәйгесенә яңа номинация өстәлде

«Көмеш кыңгырау» республика газетасы үзенең Вконтактедагы төркемендә «Җәйгә – лайк 2024» фото һәм видеолар бәйгесен башлап җибәрде. Анда катнашучыларның яшен 7-17 дип билгеләдек. Бәйгенең шартлары белән шушы сылтама аша таныша аласыз.

Катнашучылар соравы буенча бәйгедә 7 яшькә кадәр балалар өчен яңа номинация булдырабыз.

Әлеге номинациядәге катнашучылар арасында «лайк»лар санына карап 3 җиңүче билгеләрбез. 1нче урынга лаек дип табылучыны «Көмеш кыңгырау»дан диплом һәм кызыклы бүләк тә көтә. 2, 3нче урын алучыларга исә дипломнар тапшырылачак.