Бу кызык
Кош тизлегендә...
Үз вакытында СССР мотоцикллар җитештерү буенча дөньяда икенче урында булган.
- Беренче мотоциклны немец инженеры Готтлиб Даймлер уйлап тапкан. 1885 елның 29нчы августында ул аңа патент алган. Шул ук елның ноябрендә Г. Даймлерның улы Пауль анда йөреп тә күрсәткән – ул әтисенең ачышында 10 чакрым юл узган. Мотоцикл агач рамлы булган, двигателе гади керосинга эшләгән. Конструкциянең гомуми авырлыгы 50 килограмм тирәсе тәшкил иткән.
- Ирландиядә ашыгыч ярдәм табиблары фаҗига урыннарына үзләренең мототранспортларында килеп җитәләр икән. Аларның мотоцикллары 290 км/сәг тизлек белән йөри. Мондый хезмәт, нигездә, мотоярышларда кулланыла.
- Башта мотоциклчыларның махсус киемнәре һәм саклану чаралары булмый. Аннары күзлекләр, күн башлыклар барлыкка килә. Заманча шлемнарны нейрохирург Хью Кэрнс уйлап таба. Моңа мотоциклда һәлак булган дусты сәбәпче була.
- Голливуд актеры Брэд Питт мотоцикллар коллекциясе җыя. Аның мотопаркында безнең легендар коляскалы «Урал» мотоциклы да бар, ди.
- 1989 елда СССРда «Ночные волки» («Төнге бүреләр») байкерлар клубы ачыла. Ул халыкара статуска ия һәм аның бөтен дөнья буйлап 45тән артык филиалы бар.
Фото Фрипик сайтыннан.
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев