«Җәйге бер көн»

«Нәүрүз»гә килегез, матурлыкны күрегез! Җәй. Табигатьнең иң гүзәл чагы. Бигрәк тә кояшлы, матур көннәр балаларны урамга, уйнарга үзенә тартып тора. Безнең Нагорный бистәсендәге 186нчы «Нәүрүз» балалар бакчасына да балалар бик теләп киләләр. Аларны монда аллы-гөлле чәчәкләр, төрле әкият геройлары каршы ала. Балаларның җәйге яллары күңелле, файдалы үтсен диеп бакчабыз мөдире Ләйсән Марселевна да бик тырыша. Балаларны, әти-әниләрне бакчабызның сихри матурлыгы, гүзәллеге сокландыра, үзенә җәлеп итә. Килгән һәрбер кунак сокланып китә. «Нәүрүз» дигән бакча бар, Нагорный бистәсендә. Танышыгыз, күрегез, Чакырабыз сезне дә! Казан шәһәре, 186 нчы «Нәүрүз» балалар бакчасы тәрбиячеләре Сәләхиева Алия, Садирова Илзирә, өлкән тәрбияче Измайлова Мария.