Смузи - кыш көне витаминнар чыганагы

Әгәр смузи әзерләүнең төп кагыйдәләрен үтәсәк, коктейль организмга уңай йогынты ясар, аны витаминнар һәм энергия белән тутырыр. Шулай итеп, файдалы смузи әзерләүнең төп кагыйдәләре:

Витаминнарның зур өлешен смузига яшел ингредиентлар - шпинат, салат яфраклары, бөтнек, петрушка, авокадо, кыяр, киви бирә.

Шулай ук аксымнар өстәргә була, бу - сөт продуктлары,чикләвекләр.

Шикәр урынына аны алыштырырдай баллы җиләк-җимеш, мәсәлән, банан, манго, груша салырга була. Бер кашык бал өстәргә дә мөмкин.

Табиблар смузиларны көннең беренче яртысында эчәргә киңәш итә - бу очракта алар организмны энергия тутырып, организмга уңай тәэсир итәчәк. Шуны да истә тотарга кирәк: яңа әзерләнгән смузи гына файдалы, чөнки ясалып озак торса, кислород һәм яктылык тәэсирендә витаминнар үлә.

Смузины куллану буенча чикләүләр юк, әмма шуны истә тотыгыз: һәрнәрсәдә чама белү кирәк.

Кыш көне витаминнар запасын тулыландыру өчен файдалы смузи вариантлары:

мандарин+алма+банан

хөрмә+овсяные хлопья+йогурт

груша+имбирь+сөт+сироп

банан+хөрмә җимеше (финик)+корица+сөт. Яки башка үзегез теләгән ингредиентлар белән дә ясарга була.