Кәрим Тинчурин театры актрисасы буласым килә!

Мин китаплар укырга яратам. Шулай ук төрле җәнлекләргә дә битараф түгел.  Песиләр, нәни этләрне – бигрәк сөйкемле бит инде алар. Үзем кечкенәдән сәнгатьне якын иттем. Балалар бакчасына йөргәндә үк матур итеп шигырьләр сөйли идем. Әнием мине гел шигырь сөйләү бәйгеләренә алып барды. 1нче, 2нче урыннар алып кайта идем. Шул вакытта минем бер хыялым барлыкка килде. Сезнең белән дә бүлешәсем килде әле: минем Кәрим Тинчурин театры актрисасы буласым килә! Хыялым тормышка ашсын иде...

Лилия Вафина, Биектау районы, Дөбъяз мәктәбе, 6Б сыйныфы.