Ике дөньяда яшим...

Әйе, чыннан да, иҗат минем өчен аерым бер дөнья. Бар кайнар хисләремне, йөрәк серләремне мин бары кәгазь белән уртаклаша алам. Ак кәгазьгә йөрәк әрнүем утлы җыр булып тама...

Минем иң  якты, матур хатирәләрем  дә иҗат белән бәйле. Сандугач моңына тәэсирләнсәм, ап-ак карларның сафлыгыннан башым әйләнсә, язгы челтерәп аккан чишмә тавышына хозурлансам, мин моны кәгазь белән бүлешәм.

Кайгырган, моңайган чаклар да була, кызганыч... Мондый очракларда мин хәсрәтемнне, борчуларымны кәгазьгә агызгач, тынычланып, бушанып калам.

Рәйсә Абдуллина, Балтач районы, Карадуган гимназиясе, 9нчы сыйныф.