Президентның туган көне

«Көмеш кыңгырау» респубика газетасы исеменнән Рөстәм Нургали улын туган көне белән котлыйбыз. Аңа җаваплы эшендә уңышлар, гаилә бәхете, саулык-сәламәтлек телибез. Без - бердәм, без булдырабыз!

Безнең укучыларыбыз арасында да президент булу турында уйлаучылар бар. Укып карагыз әле:

Әгәр мин Президент булсам...

Президент булсаң икән!

Президентыбыз турында белешмә:

Рөстәм Миңнеханов 1957 елның 1 мартында ТАССРның Балык Бистәсе районы Яңа Арыш авылында туа.

• 1978 елда «мөһәндис-механик» квалификациясе алып, «авыл хуҗалыгын механизацияләү» белгечлеге буенча Казанда Казан дәүләт авыл хуҗалыгы институтын тәмамлый.
• 1986 елда «товар белеме һәм азык-төлек товарлары белән сәүдә итүне оештыру» белгечлеге буенча «югары квалификацияле товар белгече» квалификациясе алып, Мәскәүдә совет сәүдәсенең читтән торып уку институтын тәмамлый.
• 1978—1980 елларда Саба районы «Авыл хуҗалыгы техникасы» берләшмәсендә мөһәндис-диагностик.
• 1980—1983 елларда — өлкән энергетик, Саба урман сәнәгать хуҗалыгы баш энергетигы.
• 1983—1985 елларда Саба райпо идарәсенең рәис урынбасары.
• 1985—1990 елларда Арча районы кулланучылар җәмгыяте идарәсе рәисе.
• 1990—1992 елларда Арча районы башкарма комитеты рәисе.
• 1992—1993 елларда Арча районы администрация башлыгының беренче урынбасары.
• 1993—1996 елларда Биектау районы администрациясе башлыгы.
• 1996—1998 елларда Татарстан Республикасы финанслар министры.
• 1998 елда Татарстан Республикасының Хөкүмәтен җитәкли.

2010 елның 22 гыйнвар көнне Русия президенты Дмитрий Медведев Татарстан президенты вазыйфасына «Бердәм Русия» фиркасе тарафыннан тәкъдим ителгән өч намзәт арасыннан Татарстан премьер-министры Рөстәм Миңнехановны сайлап алуы турында белдерде.

4 февраль көнне Татарстан Дәүләт Шурасы депутатлары республика хөкүмәте башлыгы Рөстәм Миңнехановка бертавыштан президент вәкаләтләрен бирде.

2010 елның 25 март көнне Рөстәм Миңнеханов Казанда үткән махсус тантанада ант китергәннән соң Татарстан президенты вазыйфаларын үтәүгә кереште.

Рөстәм Миңнеханов 2003 елдан икьтисади фәннәр докторы.