Дөрес яз!

Бер санының аерым язылган очраклары бәхәс уятмый, җиңел аңлашыла: бер алма, бер кеше, бер төс һ.б.

Тик бер сүзенә бәйле хаталар да күп, ялгышмас өчен, түбәндәге очракларны истә тотарга кирәк:

Бер сүзе кергән рәвешләр кушылып языла:

беррәттән (рядом, наряду)
берзаман (однажды)
беркадәр (немного, частично)
берсекөнгә ( послезавтра )
берсүзсез (молча)
бертуктаусыз (беспрерывно, постоянно) һ.б.

я, ю, е алдыннан нечкәлек билгесе куярга онытмыйбыз:

берьяклы (односторонний)
берьюлы (одновременно)
берьеллык (однолетний) һ.б.

Бер сүзе кабатланып килсә, сызыкча аша язабыз:

бер-берсен (друг друга)
бер-бер артлы (друг за другом)
бер-ике (несколько)

Бу исемлеккә тагын нинди сүзләрне өстәр идегез?