Сорауларга Республика омбудсмены, ТР Дәүләт Советы, министрлыклар һәм «Ватанны саклаучылар» фондының төбәк филиалы вәкилләре җавап бирәчәк.

Татарстан халкы 12 нче июльдә Гаилә, мәхәббәт һәм тугрылык көненә багышланган кайнар линиягә мөрәҗәгать итә алачак. Консультацияләр бушлай үткәреләчәк.

Белгечләр гаиләне һәм балаларны яклау темасына сорауларга җавап бирәчәк. Шалтыратуларны Татарстан Республикасында Кеше хокуклары буенча вәкаләтле вәкил Сәрия Сабурская, «Мәрхәмәт — Милосеридие» ТР Дәүләт Советы хатын-кыз депутатлар берләшмәсе, ТР Мәгариф һәм фән министрлыгы, ТР Яшьләр эшләре министрлыгы, ТР Хезмәт, мәшгульлек һәм социаль яклау министрлыгы, «Ватанны саклаучылар» фондының төбәк филиалы, РФ Социаль фондының республика бүлекчәсе вәкилләре кабул итәчәк.

Кайнар линия 10:00 нан 14:00 сәгатькә кадәр эшләячәк. Шалтыратуларны +7(843)236-00-71 телефоны буенча кабул итәчәкләр; хәбәрне WhatsApp* мессенджерында (Россиядә экстремистик оешма дип танылган һәм тыелган Meta ширкәтенеке) +7(960)049-68-14 телефон номеры буенча җибәрергә мөмкин. Бу хакта Татарстан Республикасында Кеше хокуклары буенча вәкаләтле вәкил аппаратында хәбәр иттеләр.