Чара Kazan Digital Week халыкара форумы чаралары исәбенә керә.

Проектта программалаштыру, мобиль кушымталар эшләү, дизайн, интерфейс проектлау, психология, медицина һәм башка сораулар белән кызыксынган яшь һәм иҗади кешеләр катнаша. Иң яхшы проект авторлары акчалата грантлар алыр дип көтелә. Беренче, икенче һәм өченче урыннарга ия булучылар гомуми 300 мең сум приз фондын үзара бүләчәк.

«Без узган еллар хакатон кысаларында төзелгән карарларның дәвамын күрергә теләр идек. Сез ясаган проектлар алга таба тормышка ашса бик яхшы булыр иде. Әйтик, федерация дәрәҗәсендә үткәрелә торган студентлар стартаплары кысаларында», — дип мөрәҗәгать итте форумны ачу тантанасына ТР Цифрлы үсешкә ярдәм итү ассоциациясе рәисе Рифкать Миңнеханов.

Иң яхшы проект исеме өчен көрәш иртәгеге көнгә кадәр мәдәният институтында дәвам итәчәк. Ярышка Казан, Иннополис, Бөгелмә, шулай ук Мәскәү, Түбән Кама һәм Дагыстаннан 12 команда керешкән инде.

tatar-inform.tatar