Чаллы шәһәре Үзәк китапханәсе Шәһәр көнен бәйрәм итәргә чакыра

Чаллы шәһәре Үзәк китапханәсе һәр чәршәмбе көнне 15.00-17.00 сәгатьләрдә җәйге уку залына иҗади очрашуларга чакыра.

Чираттагы очрашу 9нчы август көнне Шәһәр көнен бәйрәм итүгә багышлана. Биредә төрле яшьтәге китап сөючеләр өчен чаралар узачак.

Яшь китап укучылар өчен «Бәйрәм открыткасы» мастер-классы узачак.

Өлкәнрәк аудитория өчен «Безнең шәһәр урамнары» викторинасы үтә, анда Чаллы тарихы турында белемнәрне яңартырга һәм атаклы якташларыбызны искә алырга мөмкин булачак.

«Мой белый город, ты цветок из камня!» дигән китап күргәзмәсендә шәһәрнең тарихы, традицияләре, архитектурасы һәм мәдәнияте турында китаплар белән танышырга мөмкин булачак.

«Бери! Читай! Листай!» дип аталган буккроссинг мәйданчыгында китаплар алмашып, үзең өчен яңа һәм мавыктыргыч китаплар белән танышырга мөмкин.