Балалар - тимерьюлчы?!
Казан шәһәре читендәге урман эчендә – Урман арты (Залесный) бистәсе ягында урнашкан балалар тимер юлы төзелгәнгә быел 17 ел тулды. «Аны ачу тантанасында Татарстанның беренче Президенты Минтимир Шәрип улы Шәймиев һәм Мәскәүдән килгән кунаклар да катнашкан иде», – дип искә ала җитәкчебез, ул вакытта «Пионерская правда» газетасының фотохәбәрчесе Ильяс абый Гыйләҗетдинов. Нишләп нәкъ менә шул якларда урнашкан, дисезме? Янәшәдәге Юдино бистәсендә элек-электән тимерьюлчылар яшәгән. Ә Урман арты бистәсендә Казан тимер юл транспорты техникумы урнашкан.
