Уфтанмыйк үткәннәргә

Юлларның төрлесе була -

Хәвефсезе, хәтәре.

Әйбәт юлдашларың булу -

Юл үтүнең рәхәте.

Кушымта:
Уфтанмыйк үткәннәргә,

Кул болгыйк киткәннәргә.

Рәхмәт әйтеп арымыйк

Бәхетле иткәннәргә.

Дусларның төрлесе була —

Яхшысы да, яманы.

Кадерликче еллар буе

Яныбызда калганны.

Кушымта.
Ярларның төрлесе була -

Яратканы, какканы.

Насыйп булган ярларыбыз

Яратмасын башканы.

Кушымта.
Эльвира Сафина сүзләре, Альфред Якшимбетов көе.