Шундый була ул дуслык!

Елмаясы килеп тора, 
Күзләр шаян көлеп тора, 
Түбәң күккә тиеп тора – 
Шундый була ул дуслык! 

Булышасы килеп тора, 
Тырышасы килеп тора, 
Гел яхшыга юраттыра – 
Шундый була ул дуслык! 

Тату бул, дип тыеп тора, 
Тарткалашны оныттыра, 
Биеттерә, җырлаттыра – 
Шундый була ул дуслык!

Рәсемдә: Чаллының 103нче «Тургай» балалар бакчасында тәрбияләнүче Маша Новикова белән 114нче «Чаллы мозаикасы» бакчасында тәрбияләнүче Булат Хәбибуллин.