Көмеш кыңгырау

Гаилә ныклыгы - бер-береңне хөрмәт итүдә, яратуда, дус-тату яшәүдә!

15 май - Халыкара гаилә көне уңаеннан мәктәбебездә Тубән Табын авылында яшәүче ветеран укытучы Хафизова Гөлфирә Вәгыйз кызы белән очрашу үткәрелде.

Гөлфирә Вәгыйз кызы укытучы гына түгел, 33 ел буена гаилә учагын сүндермичә саклаучы да, ирен яратып, хөрмэт итеп яшәүче хатын да, өч баһадирдай ул тәрбияләп үстереп, олы юлга чыгаручы да , хәзерге вакытта өч оныкның яраткан әбисе дә.

Ул укучыларга әти-әни, әби-бабайларга, туганнарга карата олы ихтирамлы булырга, аларны яратырга, аларның кадерләрен белергә кирәклеге турында сөйләде. Начар гадәтләрнең гаиләне таркатучы, балаларны ятим итүче икәнен аңлатты. Киләчәктә укучыларны андый начар юлга басмаска өндәде. “Гаиләнең ныклыгы - бер-береңне хөрмәт итүдә, яратуда, дус-тату яшәүдә“, - дип үзенең чыгышын тәмамлады. 
 



Мөслим районы “Сәламәтлек мөмкинлекләре чикләнгән балалар өчен Түбән Табын мәктәп-интернаты” тәрбиячесе Зилә Ильясова

Нравится
Поделиться:
Реклама
Комментарии (0)
Осталось символов: