Тел ярасы

Шушы шигырь юлларына

Күпләрегез төшенмәс.

Акылың сай дисәгез дә,

Күңелләрем өшемәс.

Сүзләрнең була төрлесе,

Жанга май булганнары.

Була аның салкыннары,

Йөрәктә калганнары. 

Ачы сүзләрне әйтүгә,

Төер менә күңелгә.

Тели хәтта йөрәкнең дә

Сүз хужасын күрергә. 

Күңел эзли, бәргәләнә,

Аңламый ник тулганын.

Белми бит ул йөрәк өчен

Ничек авыр булганын. 

Күңелне рәнжетү жиңел –

Бер ярамас сүз житә.

Тел ярасы тиз төзәлмәс,

Айлар, еллар үтеп тә. 

Камилә Әхмәдиева – Балык Бистәсе районы Күгәрчен урта мәктәбенең 10нчы сыйныф укучысы.