Сызык

Әмирнең шәхси блогына рәхим итегез

Сызык

Язам дәфтәремә.

Тарих. Конспект. Кызык.

Бар бит буш урын, тик

Алда – кызыл сызык!

Шулай, әйтерсең лә,

Аны узу мөмкин.

Дәрестәге таләп –

Нишлим? Бозмыйм, үтим...

Чыгам мин сәхнәгә.

КВН. Бик кызык.

Тик безнең чыгышка

Куялар бер сызык.

Казыйлар бәяли –

Бул түзем, бул җиңел.

Өстәргә көчеңә

Бар - бары тик күңел.

Таләпләр – сызыклар.

Куела күңелгә.

Янабыз, тиз генә

Калабыз күмергә.

Түзәрсең син ничек?

Булса күңел сынык.

Ашыкма, әйтмә, тик

Уйлап тор бер тынып.

Үтү мөмкинме соң?

Шул кыршау сызыкны

Матурлап сора, я

Үт әйләнеп бары

Яшертен тозакны.

Фәрхуллин Әмир, 15 яшь, 9 нчы сыйныф, Кече Кирмән төп мәктәбе.