Песиебез югалды

Песиебез югалды,
Күрмәдеме берегез?
Әгәр таба күрсәгез,
Зинһар, миңа бирегез.
Әле ул бик кечкенә,
Өйгә дә кайта белми.
Дуслары да юк аның,
Ул бит минем бик нәни.
– Пес-пес, – димен, кайда син?
Кайт инде, дустым, тизрәк.
Синсез миңа күңелсез,
Ямансу өйдә бигрәк.
Эзли-эзли арып беттем, 
Керим әле бүлмәмә.
Ә песием йоклап ята –
Минем йомшак мендәрдә.

Шәйхеразиева Зилия, Актаныш районы Богады төп гомуми белем бирү мәктәбенең 3нче сыйныф укучысы.