Онытмам үз телемне

Көн дә йокыдан торуга,

СМСлар актарам.

Тордыңмы, кызым? – дигәнгә,

Да, –  дип җавап кайтарам.

Чәй эч, ботка аша, – ди әни,

Ладно, покушаю, – дим.

Мәктәбеңә соңга калма!

Ладно, успею, – димен.

Уйга калдым...Кызык бит:

Әни яза татарча.

Уйламыйча, бер хатасыз

Җавап бирәм урысча.

Әни, кайчак, ачуланып,

Сүзләремне төзәтә:

«Ладно» түгел, «ярар» диген,

«Да» түгел, «әйе» диген.

Күп телләрдә аралашу –

Анысы яхшы, беләм.

Туган телне һичкайчан

Онытмаска сүз бирәм!

Илзирә Ибәтуллина, Казан шәһәре, 26нчы лицей.