Иң зур хөрмәт, укытучым, сезгә!

Белем алу, гыйлем туплау кыры –
Мәктәп дигән серле дөньяда
Һәр укучының хөрмәт иткән һәм
Яраткан укытучысы була.

Туган телем – анам теле серен,
Тылсым көчен безгә ачучы,
Татар теле өчен җан атучы –
Зөлфирә Тәлгать кызы!

Саф татарча, матур, серле итеп,
Дәресләрне кызык алып бара.
Игътибары, аңлау, яратуы җитә
Сыйныфтагы һәрбер балага.

Татар телен аның кебек камил белү –
Минем бүген иң зур хыялым!
Шуның өчен аның дәресләрен
Ныклап өйрәнергә тырышамын.

Татарның бар бөек шагыйрьләре
Иҗатларын безгә өйрәтә.
Зөлфирә апа сөйләгәндә рәхәт –
Туган телем көен көйрәтә.

“Чит телләрне белү бик тә кирәк,
Үз телеңне белү – горурлык!”
Әнә шулай әйдәп тора безне,
Йөрәгендә телгә тугрылык!

Татар телен яратырга өндәп,
Үз телебез өчен көрәшә!
Тел сагында торган солдат сыман,
Иң зур хөрмәт, укытучым, сезгә!

Һөнәрегез бәйрәм көне җитте!
Сезнең әле туган көнегез дә!
Тик уңышлар юлдаш булсын иде
Бик җаваплы, авыр эшегездә!