Бергәләп бәйрәм итик!

Менә тагын язлар җитеп,

Май айларына кердек.

Бәйрәм көнен, Җиңү көнен

Бергәләп бәйрәм итик!

Җиңү бәйрәме җитүгә,

Килә халык һәйкәлгә.

Җиңү яулаучы батырлар –

Сез безнең йөрәкләрдә.

Ватан Ана һәйкәле дә

Балкып тора ерактан.

Солдатларга баш ияргә.

Бик күп кеше җыелган.

Мәңгелек ут янып тора,

Әйтерсең яшәү дәрте.

Ут һәм ялкын булып тибә,

Батырларның йөрәге.

Туган илен саклап алар,

Сугыш кырында калган.

Ватан аларның исемен,

Ташларга язып куйган...

Алсу Салихҗанова, Чаллы шәһәре, 31нче мәктәп, 8б сыйныфы.