Бабам минем өчен чын герой

Чыннан да, әби-бабасы булган  кеше – иң бәхетлесе. Өлкәннәребезнең  безгә эшләгән яхшылыклары әйтеп бетергесез күп. Бабам минем өчен чын герой. Тормыш авырлыкларны очраса да, бирешми, һәрчак түзем булып кала. 
Гаиләбездәге иң тәҗрибәле кеше буларак безгә үзенең төпле киңәшләрен бирә. Бабам гөмбә тозларга бик оста, бу эштә аңа үзем дә булышам. Көзен безне урман чикләвекләр белән сыйлый.

Аның: «Без табигать балалары, табигатьне яратырга тиеш, ул биргән һәр мөмкинлектән файдаланып калырга, җир–Анабызны чиста тотарга тиеш», -  дигән фикере миңа да күчкән. Өлкәннәрнең кадерен белеп яшик. Алар безнең иң якын кешеләребез.

Азалия Сабитова.