Мәзәкләр

Самат укытучы янына килгән дә:

– Мин төшемдә имтиханны «5»легә тапшырдым. Чынлыкта да шулай булсын өчен нишләргә икән?

– Әзрәк йокларга...

Кырмыска белән фил чикне үтмәкче булалар. Берзаман: «Тукта! Атам!» дигән тавыш ишетелә. Кырмыска Филгә:

– Мине күрделәр, юлны үзең генә дәвам ит инде.

Агач ботагында бер карга утыра икән. Агачка үрмәләп менеп баручы сыерны күргән дә бу:

– Ник менәсең? – ди икән.

– Алма ашыйсым килә, – ди сыер.

– Соң бу бит каен агачы…

– Мин алманы үзем белән алып менәм бит...

Укытучы:

– Самат, синең күчергәнеңне бүтән күрмәм, дип ышанам.

– Мин дә...