Тәмле җәй!

Банан + виктория җиләге = телеңне йотарлык варенье

Шикәр комын тәменә карап кушасың, банан белән җиләкне тукмак белән төясең. Əзер вареньены шешәләргә тутырып, суыткычка куясың да, кыш көне тәмләп-тәмләп ашыйсың.

«Фанта» ясыйбызмы?!

3 литрлы банка өчен: ярты литрлы банканы тутырып, икегә бүленгән, төше алынган абрикос; 2-3 телем апельсин; 1 телем лимон; 1 стакан шикәр комы кирәк. Шушыларны стерильләшкән банка төбенә саласың һәм кайнар су агызасың. Капкач ябып, астын өскә әйләндереп, 1-2 тәүлеккә төреп куясың.

Фирүзә Гатиятуллина рецептлары.