Татарча театр куябыз

Театр – кайбер кешеләр өчен иҗат, ә кемнәрдер өчен илһам алу урыны!

Азнакай шәһәре 9нчы «Салават күпере» балалар бакчасының зурлар төркемендә нәни дусларыбыз да бик күп кенә спектакльләр куялар.

Режиссёр ролендәге тәрбияче апаларга бик зур эш йөкләнә. Алар һәр балага туры китереп роль сайлыйлар, костюмнар турында уйлашалар.

Спектакль барышында балалар явызлык, яхшылык, изгелек һәм башка бик күп кенә сыйфатлар белән танышалар, төрле рольләргә керәләр.

«Уңыш» бәйрәмендә балалар тәрбиячеләре белән саф татар телендә җырлы-биюле «Бакча мәзәкләре» дигән театр күрсәттеләр. Бик кызык булды.

Азнакайның 9нчы «Салават күпере» балалар бакчасы, А.И. Хабибуллина., З.Г.Гайсина.