Балаларга кроссворд

Сораулар:
Вертикаль: 1. Колга башында йорты, эчендә аның җырчы, 2. Бер үлән бар чокырда, аны таный сукыр да, 3. Башы тауда, аягы диңгездә, 4. Бәләкәй генә ак тана, борыным бар, дип мактана.

Горизонталь: 5. Бер ягымнан тоталар, бер ягымнан куркалар, 6. Җәй дә, кыш та бер төстә, 7. Мине тотып ашамыйлар, миннән башка туй да ясамыйлар, 8. Сайрар кошлар патшасы ул, җырчылар көнләшерлек, 9. Кечкенә генә сары карт, кигән туны тугыз кат, 10. Аны утырткач яшелчә үсеп чыга.

Бадрутдинова Айзилә Айдар кызы, Балык Бистәсе районы «Бәләкәч» балалар бакчасы.

Җаваплары: 1. Сыерчык, 2. Кычыткан, 3. Елга, 4. Чәйнек, 5. Пычак, 6. Чыршы, 7. Тоз, 8. Сандугач, 9. Суган, 10. Орлык.