Әниемнең алтын куллары!

Яр Чаллы шәһәренең 88нче номерлы “Урман иясе” балалар бакчасының 9нчы татар төркемендә Гаилә елына багышлап, “Әниемнең алтын куллары!” дигән күргәзмә үткәрдек.
Бу күргәзмәдә төркемебезнең иң уңган,иң булган,иң оста куллы әниләре катнашты. Алар үз куллары белән йомшак уенчыклар, сумкалар, чәч кыстыргычларын эшләп алып килделәр. Ә менә Хусниевлар гаиләсеннән Кристина Викторовна үзе тегеп алып килгән төрле милләт костюмнары белән бар балалар бакчасын таң калдырды. Шулай ук Гафуряновлар, Хайруллиннар, Ибрагимовлар, Нямаевлар, Магафуровлар, Бакусевалар гаиләләре дә үз эшләренең осталары иделәр.
Бу күргәзмә балаларда әниләребезнең хезмәтен, шушы кул эшләрендәге матурлыкны, гүзәллекне күрергә өнди. Гүзәллек белән янәшә үзең дә, гаиләң дә шәфкатьлерәк, мәрхәмәтлерәк булырга тырышасың.
Тәрбияче – Ландыш Хәмәтвәлиева.