Көмеш кыңгырау

Яз килә!

Яз килә, яз килә! Кояш елмаеп көлә.

Яз килә, яз килә!

Кояш елмаеп көлә.

Яз килгәнен хәбәр итеп,

Бар дөньяга нур сибә.

Алтын нурлары белән

Энҗе карны эретә.

Челтерәп аккан чишмәдәй,

Гөрләвекләр йөгертә.

Көн җылынганны сизеп,

Бөре, чатнап,ярыла.

Тулышып бүрткән бөредән

Яшел яфрак ярала.

Назлы җил белән куышып,

Күбәләкләр уйныйлар.

Язны зурлап,язны мактап,

Кошлар сайрап туймыйлар.

Ашыгалар яше,карты

Ташкан елга ярына:

Кемнең барасы килмәсен

Боз киткәнен карарга.

Туган якка язлар килә!

Һәркем шатлана,көлә.

Язлар җиргә яшәү дәрте,

Бәхетләр алып килә.


Рәсимә Ильясова

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: