Көмеш кыңгырау

Мин яратам әле!

Кар яуганда күңелдә романтика уяна ул, әйеме? Һәм, билгеле, тәүге мәхәббәтләр искә төшә!

Икәү генә без дөньяда...

Икәү ак кар эчендә.

Ява ак кар...

Безне яклар,

Безне аклар өчен дә!

Ә син нәкъ кар бөртегедәй –

Очасың канатланып.

Бу мизгел йөз елга бер дә

Тормыйдыр кабатланып.

Мәхәббәтебезнең, әйдә,

Сурәтен ясыйк карга! – 

Нишләсәң дә килешә ул, 

Килешә гашыйкларга. 

Хисләргә, япь-яшь хисләргә

Йөрәк кенә чыдармы?

Әллә инде күкрәгеннән

Йөрәк очып чыгармы?!

Чыкса чыгар!

Нишләсә дә

Йөрәгем үз эшендә.

Мин яратам әле! Димәк

Мәхәббәт үз көчендә!

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: