Көмеш кыңгырау

Тукай районы Теләнче-Тамак авыл китапханәсендә Балалар китабы атналыгы үтте

Теләнче-Тамак авыл китапханәсендә 5 көн дәвамында балалар төрле чараларда катнаштылар.

Китапханәчеләр балалар өчен бик эчтәлекле һәм кызыклы программа әзерләгән иде.

Беренче көнне «Яраткан әкиятләр илендә. Әкиятләр һәм геройлар турында» дип аталган уен-викторина тәкъдим ителде.

Икенче көнне "Хогвардс серләре" квестында балалар тылсымлы таяклар ясарга өйрәнделәр, Гарри Поттер маҗаралары белән таныштылар.

Өченче көндә балалар яраткан мультфильмнарын карадылар.

Дүртенче көнне  "Укыйбыз, уйлыйбыз, җавап бирәбез" уенында төрле журналлардан алынган башваткычларны чишеп, хәрәкәтле уеннарга күчтек.

Балалар китабы атналагын тәмамлап, "Тере китап" дип аталган чарада балалар үзләре белгән якиятләрне курчак театры формасында күрсәттеләр. Балалар һәм аларның әти-әниләре китапханәчеләргә кызыклы һәм мавыктыргыч чаралар оештырган һәм үткәргән өчен зур рәхмәт белдерделәр.
Теләнче-Тамак авыл китапханәсе мөдире Рамилә Сәгъдиева.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: