«Табигатьнең нәни сакчылары» акциясендә катнаштык

Балалар  “Эколята – мәктәпкәчә яштәге балалар”  (“Эколята – дошколята” ) программасы буенча да  ел дәвамында бик актив эшчәнлек алып баралар: кулланылган батарейкаларны җыеп тапшырдылар, макулатура җыю акциясендә бер центнердан артык кулланылган кәгазь җыеп рәсем ясау өчен альбомнар һәм төсле карандашлар алынды.  

“Макулатура җый – агачны сакла”, “Икенчел чималдан – матур композиция”, “Тәрәз төбем – яшел бакча” темаларына проектлар эшләделәр, экологик иҗади эшләр бәйгесендә “Туган ягым табигате”, “Минем урманым”  дигән рәсемнәр белән призлы урыннар яуладылар.

“Хезмәт десанты”, “Тирә-ягымда матурлык”, “Кар астыннан иртә чыккан үләннәрне саклыйк” дигән көндәлек эшләр балаларны да, өлкәннәрде дә берләштерә. 

Без - табигать балалары

Без - табигать балалары,

Гүзәллекне  сөябез,

Җиребез гүзәл булсын өчен

Нишләргә без беләбез!

Рәнҗетмәскә кош-кортларны,

Пычратмска суларны,

Сакларга зәңгәр һаваны -

Томалап торбаларны.

Һәр ал таңда сәламләргә

Алтын нурлы кояшны,

Сокланып кына күзләргә

Ромашка, кыңгырауны.

Әле тагын әллә нинди

Серләрен без беләбез.

Әгәр беләсегез килсә –

Очрашканда сөйләрбез.

Без - табигать балалары:

Уллары һәм кызлары.

Саклыйк әле табигатьне!

Саклыйк әле Җир шарын!

Дамирә Вәлиева, 58 нче “Тирәккәй” балалар бакчасының өлкән тәрбиячесе