«Подвиг спортивный – подвиг военный» спектаклен уйнадык

Күптән түгел мин 9нчы май – Бөек Ватан сугышының 77 еллыгына багышланган спектакльдә уйнадым. Спектакль «Подвиг спортивный – подвиг военный» дип атала. Исеменнән үк күренеп тора, спектакль авыр вакытларны сурәтли. Аның режиссёры – Гелена Фәйзуллина-Филичкина. Әлеге режиссер безнең барлык спектакльләрне сәхнәләштерә. Спектакльдә барлыгы 11 бала һәм 12 олы кеше уйнады. Дусларым белән рольләр бертөрле булды. Без сугышны кичкән һәм шундый авыр чакта да спорт белән шөгыльләнүдән туктамаган спортчыларны уйнадык.

Шулай итеп, без «пирамида» белән өлкән буынны үткән еллар хәтирәсенә кайтардык. Фаҗига уйнау, бигрәк тә ул елларны тасвирлау бик авыр булды.

Ямалиева Зәлинә, Чаллы шәһәре, 2нче гимназиясенең 8А сыйныфы укучысы.