Кызыл галстуклар чылбыры!

Пионерия оешмасына бер гасыр! Шул уңайдан Арчада зур чара булып үтте. Бирегә  пионер ветераннар, пионер вожатыйлар, пионериянең тугъры фанатлары, мәктәп укучылары җыелды. Мондагы бәйрәм рухы, ташып торган матур хисләр көне буена җитәрлек иде. Килгән кунакларга концерт программасы тәкъдим ителде. Учак янында тематик җырлар җырланды, пионерлар үзләренең якты истәлекләре, хатирәләре белән бүлештеләр, аларга карап, бездә, яшь буында да соклану хисе уянды. Күргәзмәдә урын алган өс киемнәре, атрибутлар, шул чордагы мөхитне тоярга мөмкинлек бирде. Янып торган күзләр  бу чараның ничек мөһим, алыштырыгысыз булулары турында сөйли иделәр. Бәйрәм азагында В.И.Ленин һәйкәленә чәчәкләр салынды. 
Пионерия оешмасы - үткән буын белән хәзерге чорны тоташтыручы күпер ул! Бу матур истәлекләрне  үзебездән соң килгән буынга да тапшыра алсак иде.
Азалия Сабитова.