Көмеш кыңгырау

Халкыбызның күңел бизәкләре

«Без бакчабызда “Халкыбызның күңел бизәкләре ”дип исемләнгән альбом төзедек. Шулай итеп, без балаларны татар халкының милли  киемнәре, бизәнү әйберләре, көнкүреш җиһазлары  белән таныштырабыз. Гөлчәчәк Сәмигуллина язмасы.

                                                                                           Рәхим-шәфкатьле булсын өлкәннәр,

                                                                                           Җанны җылытсын иман нурлары.

                                                                                           Әй, нәни кешем-өмет йолдызы,

                                                                                           Имин, уң булсын барыр юлларың.

                                                                                            Кул сузып сиңа, елмаеп дәшәм:

                                                                                            “Якты дөньяга ямь биреп яшә.

                                                                                             Җиргә син кирәк, илгә син кирәк,

                                                                                             Көнгә син – терәк, исәнме, Кеше!”

                                                                                                                             Факил Сафин

Бала үзен кеше итеп тойсын өчен, аңарда милли горурлык, туган телгә мәхәббәт хисе тәрбияләргә кирәк. Шуның өчен дә мәктәпкәчә яшьтәге балаларны тәрбияләүдә халкыбызның борынгы гореф-гадәтләрен, йолаларын һәм бәйрәмнәрен өйрәтү мөһим чараларның берсе булып тора. Үз халкыңның телен, мәдәниятен өйрәткәндә балаларны башка халыкларның да тарихы, мәдәнияте белән таныштыру кирәк.

Татар халкының рухи байлыгы, милли мәдәнияте һәм сәнгате ерак тарихка тоташа. Менә алар – халкыбызның күңел җәүһәрләре:  нәфис итеп эшләнгән бизәнү әйберләре, милли костюмнар, алтын җепле чигү үрнәкләре һәм әлбәттә, күнгә бизәк төшереп эшләнгән әйберләр. Без балаларны кисеп ябыштыру, рәсем шөгыльләре, дидактик уеннар аша татар халкының орнаментлары белән таныштырабыз. Орнамент ясаганда балаларны өстәмә (ярдәмче) сызыклар кулланырга өйрәтәбез. Дуга – ул нигез. Чәчәк бәйләмендәге бормалы-сырмалы яфрак та, чәчәк тә дуга ярдәмендә ясала. Сыгылмалы орнаментларны тигез үлчәмле итеп ясау өчен, тар итеп киселгән кәгазь кисәкләре бирергә кирәк. Болай эшләгәндә татар орнаментын үзләштерү, өйрәнү балаларга читен булмый.

Без “Халкыбызның күңел бизәкләре ”дип исемләнгән альбом төзедек. Шушы  альбом ярдәмендә без балаларны татар халкының милли  киемнәрен, бизәнү әйберләрен, көнкүреш җиһазлары  белән таныштырабыз.

Гөлчәчәк Сәмигуллина, Кукмара районы Кәркәүч авылы балалар бакчасы тәрбиячесе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: