Гимназиябездә Тукайны искә алдык

Габдулла Тукайның туган көнендә 54нче гимназиянең актлар залында Тукай иҗатына багышланган әдәби кичә узды. Китапханәчебез Гөлнур Мансуровна оештырды аны. Башлангыч сыйныф укучылары сәхнәдә «Бала белән күбәләк», «Эш беткәч, уйнарга ярый», «Кәҗә белән сарык» һәм башка әсәрләрен күрсәттеләр.

Аннан соң шагыйрьне искә алу Ринат Гыйләҗев скверында дәвам итте. Өлкән сыйныф укучылары Габдулла Тукайның шигырьләрен сөйләделәр, «И туган тел!» җырын башкардылар. Безнең сыйныфтан Ясминә Тимергалиева, Зәринә Нургалиева, Сәмирә Шиһапова һәм мин – Айзилә Шәфикова чыгыш ясадык. Безнең сыйныф укучылары Тукай һәйкәле янында шигырь бәйрәме ачу тантанасында да катнаштылар.

Тукай – ул беркайчан да онытылмаячак, минемчә!

Айзилә Шәфикова, Чаллы шәһәре, 54нче гимназия.