Эвакуация! Сездә булганы бармы?

Әмма бездә ниндидер куркыныч хәлләр белән бәйле түгел иде ул эвакуация. Безнең төрле ситуацияләрдә каушап калмавыбызны, ягъни психологик әзерлекне тикшереп карадылар.

Бу вакытта без инглиз теле дәресендә утыра идек. Һәм менә көтмәгәндә эвакуация дип игълан иттеләр. Без тиз арада торып, ишеккә юнәлдек. Монда иң мөһиме – этешмәскә-төртешмәскә, әмма тиз хәрәкәт итәргә. 2-3 минут вакыт эчендә урамга чыгып җитәргә кирәк. Без сынатмадык, билгеле. Кызлар да, малайлар да үзебезне бик җитди тоттык.

Аллам сакласын инде, эвакуацияләр чынбарлыкта була күрмәсен!

Язилә Гәрәева, Чаллы шәһәре, 84нче лицей.