Көмеш кыңгырау

Мин сине яратмадым...

* * * Мин сине яратмадым. Мин сине сагынмадым. Башларымны да югалтып, Мин сиңа табынганмын. Исә, исә, исә җилләр, Сәлам дә юк, хәбәр дә. Җилдән җитез килер идем, Кул изәсәң әгәр дә. Кара, кара, кара төннәр! Бер тутырып карачы, − Йолдыз булып янар иде Күзләремнең карасы. Яна, яна, яна йолдыз!...

* * *

Мин сине яратмадым.

Мин сине сагынмадым.

Башларымны да югалтып,

Мин сиңа табынганмын.

Исә, исә, исә җилләр,

Сәлам дә юк, хәбәр дә.

Җилдән җитез килер идем,

Кул изәсәң әгәр дә.

Кара, кара, кара төннәр!

Бер тутырып карачы, −

Йолдыз булып янар иде

Күзләремнең карасы.

Яна, яна, яна йолдыз! −

Зилзиләләр янаса,

Йөрәкләргә күчәр нуры,

Күчми калмас лабаса.

Мин сине яратмадым.

Мин сине сагынмадым.

Сагышларымны ябынып,

Мин сиңа табынамын.

Нравится
Поделиться:
Реклама
Комментарии (0)
Осталось символов: