«Җиде яшькә кадәр тәрбияләгез»

Шуңа күрә балалар кечкенә чакта ук гаиләдә дустанә мөнәсәбәт булдырырга кирәк.

• «Син - бала, мин - ана, син мине тыңларга тиеш», - дигән шартлар куеп кына зур нәтиҗәләргә ирешеп булмый. «Мин - синең дустың, миңа ышана аласың», - дияргә кирәк. Ул сезнең мәхәббәтегезне, аның үзенчәлекле якларын да кабул итүегезне белеп торсын.
• Аңа үз карашыгызны көчләп такмагыз. Әгәр дуслары турында тискәре фикер белдерсәгез, сүзегезне дәлилләп, ни өчен шулай әйтүегезне аңлатып күрсәтегез.
• Бала үзен урамда түгел, төрле түгәрәкләрдә эзләсә, дуслары да кызыксынуы буенча табылачак.
• Сабыегызның дусларын өегезгә чакырырга тырышыгыз. Мөмкин булса, иптәшләренең әти-әниләре белән дә танышыгыз. Балагызның аралашу даирәсе һәм кызыксынулары турында белеп торырга ярдәм итәчәк бу.
• Кайбер адымнарның Җинаять кодексына кертелүен, начар гамәл саналуын аңлатыгыз, бу хакта төшерелгән фильмнар күрсәтегез.

Дания Фәхертдинова, психолог.