Көмеш кыңгырау

Яр Чаллы шәһәре

Ил яңалыклары

«Сәләт-Яр Чаллы» аланының беренче тапкыр кышкы сменасы узачак

Смена сәхнә иҗаты юнәлешенә багышланган.

2-6 гыйнварда беренче тапкыр «Сәләт-Яр Чаллы» аланының кышкы сменасы узачак.

Лаеш районында урнашкан «Йолдызлы» балалар сәламәтләндерү үзәге «Сәләт-Яр Чаллы» аланының кышкы сменасына 6-11 сыйныф балалары эләгә ала. Дүрт көнлек сменаның юнәлеше — сәхнә иҗаты.

«Смена Казан театр училищесе белән берлектә узачак. Сәхнә хәрәкәте, вокал, хореография, ораторлык осталыгы буенча дәресләр һәм мастер-класслар үткәрү көтелә. Бөтен смена буена Яңа ел атмосферасы хөкем сөрәчәк. Шулай ук саф һавада уеннар да үткәрәчәкбез. Урыннар саны бетеп килә», — дип сөйләде «Татар-информ»га сменаның өлкән әйдаманы Зөлфия Хәсәнова.

Зөлфия Хәсәнова әйдаманнарны сайлап алуның нечкәлекләре турында да сөйләп китте. «Командага без төрле аланнардан әйдаманнарны тупларга булдык. „Сәләт-Азнакай“, „Сәләт-Тел“ аланнары әйдаманнары бар. Алар барысы да үз эшләренең осталары. Сменаның директоры — Азалина апа Садыйкова. Бу кыш җәйдән дә кызурак булачак», — дип сөйләде ул.

Чыганак: https://tatar-inform.tatar/news/society/23-12-2021/s-l-t-yar-chally-alanyny-berenche-tapkyr-kyshky-smenasy-uzachak-5845746

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев