Көмеш кыңгырау

Салават Фәтхетдиновның улы Россия кубогында җиңгән

AG Team командасы пилоты Рөстәм Фәтхетдинов 1600 классында җиңеп чыккан.

Салават Фәтхетдиновның улы Рөстәм Фәтхетдинов боз өстендәге автоярышлар буенча Россия кубогында җиңеп әтисенә туган көн бүләге ясады, дип хәбәр итә җырчының матбугат үзәге.

Кичә Архангельск өлкәсенең Вельск шәһәрендә боз өстендәге автоярышлар буенча Россия кубогының икенче этабы тәмамланды. Катлаулы һава шартларына карамастан, Татарстан спортчылары яхшы күрсәткечләргә ирешкәннәр. 

AG Team командасы пилоты Рөстәм Фәтхетдинов 1600 классында җиңеп чыккан. «Улымның җиңүе - туган көнемә иң зур бүләк. Рөстәм Татарстан флагы астында чыгыш ясый. Мин аның республика данын яклавына горурланам», дигән Салават Фәтхетдинов.

«Вельск трассасы түбәнлектә урнашуы белән катлаулы. 30 градуслы суыкта боз ак тузанга әверелеп күз күремен кыенлаштыра. Әмма шуңа да карамастан, Рөстәм Россия кубогының Тольяттидагы беренче этабы җиңүен кабатлый алды», дип хәбәр итә матбугат үзәге.

Әлеге ярышларның төрле классларында Татарстан спортчылары җиңү яулаган. «Логан» классы буенча Рәис Миңнеханов, 140 классында Европа чемпионы Айдар Нуриев җиңгән.

Тулырак: https://tatar-inform.tatar/news/sport/11-01-2021/salavat-f-thetdinovny-uly-boz-avtoyaryshlary-buencha-rossiya-kubogynda-i-g-n-5797998

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: