Чаллының «Мастеровые» театрында V Халыкара рус телле чит ил театрлары фестивале узачак

2023 елның 21-29нчы июнь көннәрендә Чаллы шәһәрендәге «Мастеровые» Рус драма театрында V Халыкара рус телле чит ил театрлары фестивале узачак.

Бу юлы уникаль форум Россиядән, Абхазиядән, Әрмәнстаннан, Беларусьтан, Казахстаннан, Үзбәкстаннан һәм Көньяк Осетиядән җиде театр коллективын җыячак.

Россияне быел Чаллының «Мастеровые» Рус драма театры тәкъдим итәчәк. 29 июнь көнне фестивальне йомгаклап, театрның иң популяр постановкаларының берсе "То самое" спектакле куелачак.

Фестивальдә барлыгы җиде илдән 220 артист катнаша.

Гадәттәгечә, фестивальнең программасы киң даирә тамашачы өчен каралган. Быел ул бөек драматург Александр Николаевич Островскийның ике йөз еллыгына багышлана.