15нче июнь — Халыкара җил көне

15 июнь — Халыкара җил көне. Ул кешелекнең игътибарын «чиста энергия»гә юнәлтү максатыннан, 2007 елдан бирле уздырыла. Бүген аны 30дан артык илдә билгеләп үтәләр.
Энергетика, экология һәм икътисад мәсьәләләрен хәл иткәндә, еш кына нәкъ менә җил энергиясеннән файдаланалар. Җил энергетикасы корылмалары — «ветряк»лар 80ләп илдә эшли.

Җил тегермәннәрен безнең эрага кадәр үк куллана башлаганнар, ди. Ә беренче җил электростанциясе 1890 елда Даниядә төзелгән.

Җил көнендә һава еланнары очыртып күңел ачарга мөмкин.